രാമായണമാസാചരണത്തിന്റെ ഭാഗമായി മുണ്ടൂര്‍ എഴക്കാട് എന്‍ .എസ് .എസ് . കരയോഗത്തില്‍ സമ്പൂര്‍ണ രാമായണപാരായണവും ക്വിസ് മത്സരവും നടത്തി

മുണ്ടൂര്‍: രാമായണമാസാചരണത്തിന്റെ ഭാഗമായി എഴക്കാട് എന്‍.എസ്.എസ്. കരയോഗത്തില്‍ സമ്പൂര്‍ണ രാമായണ പാരായണവും വിദ്യാര്‍ഥികള്‍ക്കായി ക്വിസ് മത്സരവും നടത്തി.
കരയോഗം സെക്രട്ടറി സി. പത്മനാഭന്‍നായര്‍ ഉദ്ഘാടനം ചെയ്തു. സി. ബാലകൃഷ്ണന്‍നായര്‍, ഗൗരിയമ്മ, കാശുമണിയമ്മ. നിര്‍മല, സൗദാമിനി, സുജ രഘുനാഥ്, ലീലാവതി, കെ.ഗൗരിയമ്മ എന്നിവര്‍ നേതൃത്വം നല്‍കി.

Read More

കോയമ്പത്തൂര്‍ നായര്‍സമാജം സായിബാബകോളനി ഏരിയാസമിതിയുടെ വാര്‍ഷികവും കുടുംബസംഗമവും നടന്നു

കോയമ്പത്തൂര്‍: കോയമ്പത്തൂര്‍ നായര്‍സമാജം സായിബാബകോളനി ഏരിയാസമിതിയുടെ വാര്‍ഷിക പൊതുയോഗവും കുടുംബസംഗമവും രാമലിംഗം കോളനി കോര്‍പറേഷന്‍ കല്യാണമണ്ഡപത്തില്‍ നടന്നു. അവിനാശിലിംഗം സര്‍വകലാശാലാ മുന്‍ വൈസ്ചാന്‍സലര്‍ ചന്ദ്രമണി ഉദ്ഘാടനംചെയ്തു.
കോട്ടയ്ക്കല്‍ ആര്യവൈദ്യശാല കോയമ്പത്തൂര്‍ ശാഖയിലെ ചീഫ് ഫിസിഷ്യന്‍ ഡോ. വത്സല വാര്യര്‍ 'ആയുര്‍വേദവും ആരോഗ്യവും' എന്ന വിഷയത്തെക്കുറിച്ച് പ്രഭാഷണം നടത്തി. കോയമ്പത്തൂര്‍ നായര്‍സമാജം പ്രസിഡന്റ് വി.എസ്. സുബാഷ് അധ്യക്ഷത വഹിച്ചു. സായിബാബകോളനി ഏരിയാസമിതി ചെയര്‍മാന്‍ സി.ആര്‍. ശ്രീധരന്‍ സ്വാഗതം പറഞ്ഞു. സെക്രട്ടറി പുരുഷോത്തമന്‍ വാര്‍ഷിക റിപ്പോര്‍ട്ട് അവതരിപ്പിച്ചു. കമ്മിറ്റിയംഗം ജനാര്‍ദനന്‍ നന്ദി പറഞ്ഞു. കുട്ടികളുടെ കലാപരിപാടികളും നടന്നു.

Read More

ആലക്കോട് ശിവശക്തി എന്‍ .എസ് .എസ് . കരയോഗം രാമായണമാസാചരണവും പ്രശ്‌നോത്തരിയും നടത്തി

ആലക്കോട്: ശിവശക്തി എന്‍.എസ്.എസ്. കരയോഗം രാമായണമാസം ആചരിച്ചു. കുട്ടികള്‍ക്കായി പ്രശ്‌നോത്തരിമത്സരവും നടത്തി. ഇടവെട്ടി കരയോഗം മുന്‍ പ്രസിഡന്റ് ദേവരാജന്‍ ഉദ്ഘാടനം ചെയ്തു. മുഖ്യപാരായണം രാജീവ് കുരീക്കാട്ടില്‍ നിര്‍വഹിച്ചു. തിടനാട് കാരൂര്‍ ശാരദാമ്മ രാമായണകഥ പറയുകയും പ്രശ്‌നോത്തരി നടത്തുകയും ചെയ്തു. പ്രസിഡന്റ് രമേഷ് കുമാര്‍, സെക്രട്ടറി കെ.എസ്.ജയകുമാര്‍ എന്നിവര്‍ നേതൃത്വം നല്‍കി.

Read More

ആലപ്പുഴ അന്പലപ്പുഴ താലൂക്ക് എന്‍ .എസ് .എസ് . വനിതാ സമാജത്തിന്റെ നേതൃത്വത്തില്‍ രാമായണ മേള നടത്തി

ആലപ്പുഴ: അന്പലപ്പുഴ താലൂക്ക് എന്‍.എസ്.എസ്. വനിതാ സമാജത്തിന്റെ നേതൃത്വത്തില്‍ രാമായണമേള നടത്തി. എന്‍.എസ്.എസ്. ഡയറക്ടര്‍ ബോര്‍ഡ് അംഗം കെ.കെ. പത്മനാഭ പിളള ഉദ്ഘാടനം ചെയ്തു. രാമായണ പാരായണം, രാമയണാലാപനം, രാമായണ പ്രശ്‌നോത്തരി എന്നീ ഇനങ്ങളില്‍ മത്സരങ്ങള്‍ നടത്തി.
വനിതായൂണിയന്‍ പ്രസിഡന്റ് ഡോ.പി.എം. രമാദേവി, സെക്രട്ടറി കെ.എ. ശോഭനകുമാരി, കരയോഗം ഭരണസമിതി അംഗങ്ങളായ യു.കെ. സോമന്‍, മധുസൂതനന്‍, ലത സുരേഷ്, ആര്‍.ബൈജു എന്നിവര്‍ പ്രസംഗിച്ചു.

Read More

അടൂര്‍ എന്‍ .എസ് .എസ് . യൂണിയന്റെ മേഖലാ സമ്മേളനം നടത്താന്‍ യോഗം തീരുമാനിച്ചു

അടൂര്‍: നായര്‍ സര്‍വ്വീസ് സൊസൈറ്റിയുടെ ശതവാര്‍ഷികത്തോടനുബന്ധിച്ച് കുന്നത്തൂര്‍ താലൂക്ക് എന്‍.എസ്.എസ്. യൂണിയന്റെ ആഭിമുഖ്യത്തില്‍ നടത്തുന്ന ശതാബ്ദി ആഘോഷങ്ങളുടെ ഭാഗമായി പള്ളിയില്‍ മേഖലാ സമ്മേളനം ഒക്ടോബറില്‍ നടത്താന്‍ കരയോഗ ഭാരവാഹികളുടെ യോഗം തീരുമാനിച്ചു. ആഗസ്ത്, സപ്തംബര്‍ മാസങ്ങളിലായി കരയോഗതല സമ്മേളനങ്ങള്‍ നടത്താനും തീരുമാനമായി.
തെങ്ങമം 890-ാം നമ്പര്‍ കരയോഗ ഓഡിറ്റോറിയത്തില്‍ കൂടിയ യോഗം എന്‍.എസ്.എസ്. കുന്നത്തൂര്‍ താലൂക്ക് യൂണിയന്‍ പ്രസിഡന്റും എന്‍.എസ്.എസ്. എക്‌സിക്യൂട്ടീവ് കൗണ്‍സില്‍ അംഗവുമായ അഡ്വ. പായിപ്പാട്ട് എന്‍.കേശവപിള്ള ഉദ്ഘാടനം ചെയ്തു. മേഖലാ ചെയര്‍മാന്‍ തോട്ടുവാ മുരളി അധ്യക്ഷത വഹിച്ചു. യൂണിയന്‍ കമ്മിറ്റിയംഗങ്ങളായ ആര്‍.മുരളീമോഹന്‍, സുധാ പി.കുറുപ്പ്, അജിത് ബി.പിള്ള, പ്രതിനിധിസഭാംഗം പഴകുളം സതീഷ് എന്നിവര്‍ പ്രസംഗിച്ചു. മേഖലാ കണ്‍വീനര്‍ ജി.ബാലചന്ദ്രന്‍ സ്വാഗതവും കരയോഗം സെക്രട്ടറി കെ.ചന്ദ്രനുണ്ണിത്താന്‍ നന്ദിയും പറഞ്ഞു.

Read More

എന്‍. എസ്. എസ്. കോന്നി താലൂക്ക് യൂണിയന്റെ കുടുംബസംഗമം നടക്കും

കോന്നി: സമസ്ത നായര്‍ സമാജം കോന്നി താലൂക്ക് യൂണിയന്റെ ആഭിമുഖ്യത്തില്‍ താലൂക്കിലെ 24 സമാജങ്ങളിലെ കുടുംബാംഗങ്ങള്‍ ചേര്‍ന്നുള്ള കുടുംബസംഗമം കോന്നി ശാന്താസ് ഓഡിറ്റോറിയത്തില്‍ 10ന് രാവിലെ 10ന് നടക്കും. സമസ്ത നായര്‍ സമാജം സംസ്ഥാന ജനറല്‍ സെക്രട്ടറി പെരുമുറ്റം രാധാകൃഷ്ണന്‍, പുതുക്കേരി സുരേന്ദ്രനാഥ് എന്നിവരും പങ്കെടുക്കും

Read More

ആവശ്യങ്ങള്‍ നേടിയെടുക്കാന്‍ നായന്മാര്‍ക്ക് ജാതിചിന്തയാവാമെന്ന് അഞ്ചാലുംമൂട് എന്‍ .എസ് .എസ് . താലൂക്ക് യൂണിയന്‍ പ്രസിഡന്റ് ഡോ. ജി.ഗോപകുമാര്‍

അഞ്ചാലുംമൂട്: ആവശ്യങ്ങള്‍ നേടിയെടുക്കാന്‍ ആവശ്യമെങ്കില്‍ നായന്മാര്‍ക്ക് ജാതിചിന്തയാവാമെന്ന് എന്‍.എസ്.എസ്. താലൂക്ക് യൂണിയന്‍ പ്രസിഡന്റ് ഡോ. ജി.ഗോപകുമാര്‍ പറഞ്ഞു. തൃക്കടവൂര്‍ മുരുന്തല്‍ 1142-ാം നമ്പര്‍ എന്‍.എസ്.എസ്. കരയോഗ വിദ്യാഭ്യാസ സ്‌കോളര്‍ഷിപ്പ് വിതരണവും ശതാബ്ദിസമ്മേളനവും ഉദ്ഘാടനം ചെയ്യുകയായിരുന്നു അദ്ദേഹം.
കരയോഗം പ്രസിഡന്റ് കൊച്ചുമുക്കട എ.ആര്‍.മോഹന്‍ബാബു അധ്യക്ഷത വഹിച്ചു. ടി.രാധാകൃഷ്ണ പിള്ള, ശ്രീകുമാര്‍, ഗോപാലകൃഷ്ണ പിള്ള തുടങ്ങിയവര്‍ സംസാരിച്ചു. രാജേന്ദ്രന്‍ പിള്ള സ്വാഗതവും മണികണ്ഠന്‍ പിള്ള നന്ദിയും പറഞ്ഞു. എല്ലാ വിഷയങ്ങള്‍ക്കും എ പ്ലസ് നേടിയ ഭവിന്‍, ഭാഗ്യശ്രീ ഉള്‍പ്പെടെ 28 പേര്‍ക്ക് വിദ്യാഭ്യാസ സ്‌കോളര്‍ഷിപ്പും നാലുപേര്‍ക്ക് ചികിത്സാധനസഹായവും നല്‍കി.

Read More