ആകാശത്ത് കൃഷ്ണപ്പരുന്ത് വട്ടമിട്ടു പറന്ന് അന്തരീക്ഷം ഭക്തിസാന്ദ്രമാക്കിയതോടെ ആറന്മുള പാര്ഥസാരഥി ക്ഷേത്രത്തില് പത്തുദിവസം നീണ്ടുനില്ക്കുന്ന ഉത്സവത്തിന് കൊടിയേറി. തന്ത്രി തെക്കേടത്ത് കുഴിക്കാട്ടില്ലത്ത് സുബ്രഹ്മണ്യന് നാരായണന് ഭട്ടതിരിയുടേയും മേല്ശാന്തി അരവിന്ദാക്ഷന് നമ്പൂതിരിയുടേയും കാര്മികത്വത്തിലായിരുന്നു ചടങ്ങ്.പാര്ഥസാരഥി ക്ഷേത്രത്തിന്റെ മൂലസ്ഥാനമായ വിളക്കുമാടം കൊട്ടാരത്തിലേക്ക് പുലര്ച്ചെ പുറപ്പെട്ട എഴുന്നള്ളത്ത് തിരികെ ക്ഷേത്രത്തില് എത്തിയശേഷമാണ് കൊടിയേറ്റ് ചടങ്ങുകള് ആരംഭിച്ചത്. തൃക്കാരിയൂര് മനോജിന്റെ പഞ്ചവാദ്യവും ചടങ്ങുകള്ക്ക് മിഴിവേകി. സമൂഹസദ്യയും നടന്നു.
ക്ഷേത്രം എ.ഒ ആര്. രാമവര്മ്മ, മാലേത്ത് സരളാദേവി, ഉപദേശക സമിതി ഭാരവാഹികളായ ഗീതാകൃഷ്ണന്, ടി.എ. അനില്കുമാര്, ഹിന്ദു ഐക്യവേദി വൈസ് പ്രസിഡന്റ് കെ.പി. സോമന്, മനോജ് മാധവശേരില്, വിജയന് നടമംഗലം തുടങ്ങിയവര് പങ്കെടുത്തു.
0 comments:
Post a Comment