പൊന്നയ്യപ്പന് ചാര്ത്തുവാനുള്ള തിരുവാഭരണ ഘോഷയാത്ര പുറപെട്ടു: മകരവിളക്ക് ഉല്സവത്തിന് ശബരിമല അയ്യപ്പവിഗ്രഹത്തില് ചാര്ത്താനുളള തിരുവാഭരണങ്ങളുമായുളള ഘോഷയാത്ര ഇന്ന് പന്തളം വലിയകോയിക്കല് ക്ഷേത്രത്തില് നിന്ന് പുറപ്പെട്ടു.ഉച്ചയ്ക്ക് ഒരു മണിക്കാണ് തിരുവാഭരണഘോഷയാത്ര പുറപ്പെട്ടത്.രാവിലെ 3 മണിക്ക് തിരുവാഭരണ പേടകങ്ങൾ സ്രാംബിക്കൾ കൊട്ടാരത്തിൽ നിന്നും വലിയ കോയിക്കൽ ക്ഷേത്രത്തിലേക്ക് എഴുന്നളിച്ചു .കളത്തിനാൽ ഗംഗാധരപിള്ളയുടെ നേതൃത്വത്തിൽ ഇരുപതോളം പേര് വരുന്ന സംഘമാണ് തിരുവാഭരണ പേടകങ്ങൾ ശബരിമലയിലേക്ക് എഴുന്നള്ളിക്കുന്നത്
ക്ഷേത്രത്തിലെ പ്രത്യേക പൂജകള്ക്ക് ശേഷം ഉച്ചയ്ക്ക് ഒരു മണിയോടെ മേള്ശാന്തി പൂജിച്ച ഉടവാള് പന്തളം രാജാവ് പി.രാമവര്മ്മരാജയ്ക്ക് നല്കും.അദ്ദേഹമിത് രാജപ്രതിനിധിക്ക് കൈമാറും.തുടര്ന്നാണ് തിരുവാഭരണപേടകവും വഹിച്ചുകൊണ്ടുളള ഘോഷയാത്ര.മകരവിളക്ക് ദിവസമായ ചൊവ്വാഴ്ച തിരുവാഭരണങ്ങള് അയ്യപ്പവിഗ്രഹത്തില് ചാര്ത്തും.അന്ന് രാവിലെ ഉച്ചക്കാണ് മകരസംക്രമപൂജ.
0 comments:
Post a Comment