മലയാലപ്പ്പുഴ ദേവീക്ഷേത്രത്തില് മകരപ്പൊങ്കാല ഉത്സവം 14ന് നടക്കും. രാവിലെ 8.30ന് ജില്ലാ സെഷന്സ് ജഡ്ജി എന്.രവി പൊങ്കാല ഉദ്ഘാടനം ചെയ്യും. അടിമുറ്റത്തുമഠം പരമേശ്വര ഭട്ടതിരിപ്പാട് അടുപ്പില് ദീപം തെളിക്കും. 9.30ന് ഗാനസുധ, 11ന് സംഗീതക്കച്ചേരി.
പൊങ്കാല അടുപ്പും പൊങ്കാല കൂപ്പണുമായി വാഹനങ്ങള് പൊങ്കാല ഇടുന്ന സ്ഥലങ്ങളില് ക്യാമ്പ് ചെയ്യും. കെ.എസ്.ആര്.ടി.സി. പ്രത്യേക സര്വീസുകള് നടത്തും. തലേദിവസം എത്തുന്ന ഭക്തര്ക്ക് സൗജന്യ താമസവും ഭക്ഷണവും ഏര്പ്പാടാക്കിയിട്ടുണ്ട്. സന്നദ്ധ സംഘടനകള് അന്നദാനത്തിനും കുടിവെള്ള വിതരണത്തിനും സൗകര്യം ഏര്പ്പെടുത്തിയിട്ടുണ്ട്.
മലയാലപ്പുഴ തോമ്പില് കൊട്ടാരത്തില് പൊങ്കാല ഇടുന്നതിന് തോമ്പില്കൊട്ടാരം സംരക്ഷണസമിതി ഒരുക്കങ്ങള് പൂര്ത്തിയാക്കി. പൊങ്കാല നിവേദ്യം സ്വീകരിക്കുന്നതിന് 10.30ന് കൊട്ടാരത്തിലെത്തുന്ന മലയാലപ്പുഴ അമ്മയ്ക്ക് സ്വീകരണം നല്കും. തുടര്ന്ന് അന്നദാനം നടക്കും. വൈകീട്ട് 5ന് കൊട്ടാരത്തില് സമൂഹമന്ത്രശരണാലാപനവും തുടര്ന്ന് ദീപാരാധനയും നടക്കും.
0 comments:
Post a Comment