എഎപിയുടെ വെബ്സൈറ്റില് സംഭവനകള്ക്കായുള്ള പേജിലാണ് ഇന്ത്യയുടെ അവിഭാജ്യ ഭാഗമായ കശ്മീരിനെ പാക്കിസ്ഥാനില് പെടുത്തിയുള്ള ഭൂപടം നല്കിയത്. സംഭവം വിവാദമായതോടെ ഉടന് തന്നെ സൈറ്റില് നിന്നും ഭൂപടം പിന്ലലിച്ചു. കശ്മീരില് ഹിതപരിശോധന നടത്തണമെന്ന തരത്തില് എഎപി നേതാവ് പ്രശാന്ത് ഭൂഷണ് നടത്തിയ പ്രസ്താവന നേരത്തെ വന് വിവാദമായിരുന്നു. അന്ന് ഇത് പ്രശാന്ത് ഭൂഷണ്ന്റെ വ്യക്തിപരമായ അഭിപ്രായം മാത്രമാണെന്നറിയിച്ചുകൊണ്ട് അരവിന്ദ് കെജ്രിവാള് രംഗത്തെത്തിയിരുന്നു. എന്നാല് എഎപിയുടെ സൈറ്റിലും ഇതിനെ ന്യായീകരിക്കുന്ന തരത്തിലുള്ള മാപ്പ് പ്രത്യക്ഷപ്പെട്ടതോടെ എഎപി വീണ്ടും പ്രതിരോധത്തിലായിരിക്കുകയാണ്. ഇന്ത്യയുടെ ഭാഗമായ പാക് അധിനിവേശ കശ്മീര് പാക്കിസ്ഥാനിലും ലഡാക് മേഖലയുടെ ഒരു ഭാഗം ചൈനയിലും ഉള്പ്പെടുന്ന തരത്തിലുള്ള ഭൂപടമാണ് ആം ആദ്മി പാര്ട്ടിയുടെ ഔദ്യോഗിക വെബ്സൈറ്റില് പ്രത്യക്ഷപ്പെട്ടത്. ഭുപടം ഉടന് നീക്കിയെങ്കിലും ഇതിനെതിരെ വന് പ്രതികരണങ്ങളാണ് സോഷ്യല് നെറ്റ് വര്ക്കുകളിലൂടെ ഉയര്ന്നുവരുന്നത്.
0 comments:
Post a Comment