സുല്ത്താന് ബത്തേരി: ബത്തേരി യൂണിയന്റെ നേതൃത്വത്തില് പൂതാടി മേഖലാ എന്.എസ്.എസ്. സമ്മേളനവും സെമിനാറും മാര്ച്ച് 30-ന് വാകേരിയില് നടക്കുമെന്ന് സംഘാടകര് പത്രസമ്മേളനത്തില് പറഞ്ഞു.
എന്.എസ്.എസ്സിന്റെ ശതവാര്ഷികത്തിന്റെ ഭാഗമായാണ് സെമിനാറും സമ്മേളനവും സംഘടിപ്പിക്കുന്നത്. പൂതാടി മേഖലയിലെ നടവയല്, കേണിച്ചിറ, പൂതാടി, വെള്ളൂര്, പാപ്ലശ്ശേരി, വാകേരി, പഴുപ്പത്തൂര്, മാനികാവ്, പുറക്കാടി എന്നീ കരയോഗത്തില് നിന്നുള്ള അംഗങ്ങള് പങ്കെടുക്കും. പത്തുമണിക്ക് വാകേരി ആപ്കോസ് ഓഡിറ്റോറിയത്തില് നടക്കുന്ന സമ്മേളനം എന്.എസ്.എസ്. വൈസ് പ്രസിഡന്റ്് പ്രൊഫ. വി.പി. ഹരിദാസ് ഉദ്ഘാടനം ചെയ്യും. വൈത്തിരി യൂണിയന് പ്രസിഡന്റ് എ.പി. നാരായണന് നായര്, മാനന്തവാടി യൂണിയന് പ്രതിനിധി സഭാംഗം കെ. ജയപ്രകാശ്, പൂതാടി ഗ്രാമപ്പഞ്ചായത്ത് പ്രസിഡന്റ്് കെ.ബി. മൃണാളിനി എന്നിവര് പ്രസംഗിക്കും. പത്രസമ്മേളനത്തില് പി.സി. ജയരാജന്, പി.കെ. മാധവന് നായര്, എ.ബി. രാജേന്ദ്രന് , പി.വി. ചന്ദ്രബാബു എന്നിവര് പങ്കെടുത്തു.
0 comments:
Post a Comment