തൃശ്ശൂര്: സമസ്ത നായര് സമാജം ജില്ലാ സമ്മേളനം ജൂലായ് 27 ന് നടക്കുമെന്ന് സംസ്ഥാന സെക്രട്ടറി പി. മുരളീധരകൈമള് പത്രസമ്മേളനത്തില് അറിയിച്ചു. എരുമപ്പെട്ടി ഐശ്വര്യ ഓഡിറ്റോറിയത്തില് രാവിലെ 10 ന് നടക്കുന്ന സമ്മേളനം ജസ്റ്റിസ് കെ. പത്മനാഭന് നായര് ഉദ്ഘാടനം ചെയ്യും.
ജില്ലാ പ്രസിഡന്റ് എന്. പ്രഭാകരന് നായര് അധ്യക്ഷനാവും. സംസ്ഥാന ജനറല് സെക്രട്ടറി പെരുമുറ്റം രാധാകൃഷ്ണപിള്ള മുഖ്യപ്രഭാഷണം നടത്തും. സമാജങ്ങളിലെ മാതൃകാദമ്പതിമാരെ ചടങ്ങില് ആദരിക്കും. ജില്ലയില് മികച്ച പ്രവര്ത്തനം നടത്തിയ സമാജങ്ങള്ക്കുള്ള അവാര്ഡും വിവിധ പരീക്ഷകളില് ഉന്നതവിജയം നേടിയ വിദ്യാര്ഥികള്ക്കുള്ള കാഷ് അവാര്ഡും സര്ട്ടിഫിക്കറ്റും ചടങ്ങില് വിതരണം ചെയ്യും. കലാമണ്ഡലം റിട്ട. പ്രൊഫ. നാരായണന് നായര്, ഭാര്യ കലാമണ്ഡലം ദേവകി എന്നിവരെ ചടങ്ങില് ആദരിക്കും. ജില്ലാ പ്രസിഡന്റ് എന്. പ്രഭാകരന് നായര്, ജില്ലാ സെക്രട്ടറി പി.പി. നന്ദകുമാര് നായര്, മനോജ് നായര്, വി.അച്യുതക്കുറുപ്പ് എന്നിവരും പത്രസമ്മേളനത്തില് പങ്കെടുത്തു.
0 comments:
Post a Comment