മൂവാറ്റുപുഴ: വിവിധ ധനസഹായ പദ്ധതികളുള്പ്പെടെ മൂവാറ്റുപുഴ താലൂക്ക് എന്.എസ്.എസ്. യൂണിയന് ഈ വര്ഷം 50 ലക്ഷത്തിന്റെ ബജറ്റ്. വിവാഹ ധനസഹായം, ചികിത്സാ സഹായം, ഭവന നിര്മാണ സഹായം, വനിതകള്ക്കും യുവാക്കള്ക്കും തൊഴില് പരിശീലനം, കാര്ഷിക പ്രോത്സാഹനം, പി.എസ്.സി. പരിശീലന ക്ലാസുകള്, ആത്മീയ പഠനം, വിവാഹപൂര്വ കൗണ്സലിംഗ്, കരയോഗ മന്ദിര നിര്മാണ സഹായം എന്നിവയ്ക്കെല്ലാം ബജറ്റില് തുക വകയിരുത്തിയിട്ടുണ്ട്. യൂണിയന്റെ കീഴിലുള്ള ഇടയാര് ദേവസ്വത്തിന്റെ ബജറ്റും യൂണിയന് സെക്രട്ടറി ആര്. അനില്കുമാര് അവതരിപ്പിച്ചു. യൂണിയന് പ്രസിഡന്റ് പി.കെ. രാധാകൃഷ്ണന് അധ്യക്ഷനായി. കഴിഞ്ഞ വര്ഷത്തെ വരവ് െചലവ് കണക്കുകള് അവതരിപ്പിച്ചു.
താരകബ്രഹ്മശ്രീ അവാര്ഡ് നേടിയ മാതൃഭൂമി പിറവം ലേഖകന് കെ.കെ. വിശ്വനാഥനെ സമ്മേളനം ഉപഹാരം നല്കി ആദരിച്ചു. പ്രസിഡന്റിന്റെ പോലീസ് മെഡല് നേടിയ രാമരാജന് (ഏഴക്കരനാട്), മുഖ്യമന്ത്രിയുടെ പോലീസ് മെഡല് നേടിയ മോഹനന് (കക്കാട്), എന്. രാംദാസ് (പാഴൂര്), എം.ഡി. ഗോള്ഡ്മെഡല് ജേത്രി രഞ്ജിനി രാധാകൃഷ്ണന് (തിരുമാറാടി), നന്ദിനാ രാജേഷ് എന്നിവര്ക്ക് പുരസ്കാരങ്ങള് നല്കി.
മികച്ച പ്രവര്ത്തനത്തിനുള്ള മാതൃകാ കരയോഗം ട്രോഫിയും പി.സി. അനന്തപ്പന് പുരസ്കാരവും സര്ട്ടിഫിക്കറ്റും പിറവം കരയോഗത്തിന് സമ്മാനിച്ചു. മികച്ച സെക്രട്ടറിയുടെ പുരസ്കാരം കൊഴിപ്പിള്ളി കരയോഗത്തിലെ കെ.കെ. മോഹനന് സമ്മാനിച്ചു. തിരുമാറാടി വനിതാ സമാജത്തിന് മികച്ച വനിതാ സമാജം ട്രോഫിയും കുന്നയ്ക്കാല് ബാലസമാജത്തിന് പ്രോത്സാഹന സമ്മാനവും നല്കി.
പി.എന്. സോമന് പാഴൂര്, രാജഗോപാല് കാലാമ്പൂര്, പി.കെ. സുരേന്ദ്രന് കക്കാട്, ദാമോദരന് നായര് സൗത്ത് മാറാടി, ടി.പി. ഗോപിനാഥന് നായര് കോഴിപ്പിള്ളി, ശശികുമാര് കുന്നയ്ക്കാല്, എന്.ആര്. കുമാര് കൂത്താട്ടുകുളം, യൂണിയന് വൈസ് പ്രസിഡന്റ് കെ.എസ്. നളിനാക്ഷന് നായര് എന്നിവര് സംസാരിച്ചു.
0 comments:
Post a Comment