പരവൂര്: കുറുമണ്ടല് ബി-വാര്ഡ് എന്.എസ്.എസ്. കരയോഗത്തിന്റെ വിദ്യാഭ്യാസ എന്ഡോവ്മെന്റ് വിതരണ വാര്ഷികസമ്മേളനം ചാത്തന്നൂര് താലൂക്ക് എന്.എസ്.എസ്. കരയോഗ യൂണിയന് പ്രസിഡന്റ് വി.മോഹന്ദാസ് ഉണ്ണിത്താന് ഉദ്ഘാടനം ചെയ്തു. പഠനം പൂര്ത്തിയാക്കിയവരെ വിവിധ തൊഴില് മേഖലകള് കണ്ടെത്തുന്നതിന് സഹായമായി താലൂക്ക് യൂണിയന് ബഹുമുഖ തൊഴില് പരിശീലന സംരംഭങ്ങള് നടത്തിവരുന്നതായി യൂണിയന് പ്രസിഡന്റ് പറഞ്ഞു.
കരയോഗ മന്ദിരത്തില് പ്രസിഡന്റ് സി.സുന്ദരേശന് പിള്ളയുടെ അധ്യക്ഷതയില് ചേര്ന്ന യോഗത്തില് യൂണിയന് സെക്രട്ടറി ജി.ജെ.ജയമോഹന്, പി.എസ്.സി. മുന് അംഗം അഡ്വ. രാജേന്ദ്രപ്രസാദ്, പരവൂര് നഗരസഭാ മുന് ചെയര്മാനും പ്രതിനിധി സഭാംഗവുമായ സുധീര് ചെല്ലപ്പന്, യൂണിയന് കമ്മിറ്റി അംഗം ജെ.വിജയന് പിള്ള എന്നിവര് പ്രസംഗിച്ചു. യോഗത്തില് 35 വിദ്യാഭ്യാസ എന്ഡോവ്മെന്റുകളും ഏഴ് വൈദ്യസഹായനിധികളും വിതരണം ചെയ്തു. എസ്.എസ്.എല്.സി., പ്ലസ് ടു വിദ്യാര്ഥികളടക്കം 25 പേര്ക്കും രണ്ട് എല്.പി., യു.പി. വിദ്യാര്ഥികള്ക്കും സ്കോളര്ഷിപ്പുകള് വിതരണം ചെയ്തു. കരയോഗം സെക്രട്ടറി കെ.ബി.സുരേഷ്ബാബു സ്വാഗതവും ട്രഷറര് സി.ഗോപിനാഥന് പിള്ള നന്ദിയും പറഞ്ഞു.
0 comments:
Post a Comment