എരുമപ്പെട്ടി: ഏതു പ്രതിസന്ധികളെയും ബുദ്ധിയും ഇച്ഛാശക്തിയും കൊണ്ട് നേരിട്ട് വിജയം വരിച്ച നായര് സമുദായത്തിന്റെ ഇപ്പോഴത്തെ പിന്നാക്കാവസ്ഥയ്ക്ക് കാരണം പുതുതലമുറ അവരുടെ ശക്തിയും കഴിവും തിരിച്ചറിയാതെ പ്രവര്ത്തിക്കുന്നതുകൊണ്ടാണെന്ന് ജസ്റ്റിസ് കെ. പത്മനാഭന് നായര് അഭിപ്രായപ്പെട്ടു. സമസ്ത നായര് സമാജം (എസ്.എന്.എസ്.) ജില്ലാ സമ്മേളനം എരുമപ്പെട്ടിയില് ഉദ്ഘാടനം ചെയ്യുകയായിരുന്നു അദ്ദേഹം.
ജില്ലാ പ്രസിഡന്റ് എന്. പ്രഭാകരന് നായര് അധ്യക്ഷനായി. നൂറോളം മാതൃകാ ദമ്പതിമാരെ പ്രശസ്തിപത്രവും പൊന്നാടയും നല്കി സംസ്ഥാനപ്രസിഡന്റ് തിരുവാര്പ്പ് പരമേശ്വരന് നായര് ആദരിച്ചു.
കലാമണ്ഡലം നാരായണന് നായര്, കലാമണ്ഡലം ദേവകി എന്നിവരും ആദരം ഏറ്റുവാങ്ങി. എസ്.എസ്.എല്.സി., പ്ലൂസ്ടു വിജയികള്ക്ക് പ്രശസ്തിപത്രവും കാഷ് അവാര്ഡും നല്കി. പെരുമുറ്റം രാധാകൃഷ്ണപിള്ള, പി.പി. നന്ദകുമാര്, ഡി.എം. വാസുദേവന്, കേളങ്കണ്ടത്ത് ഗോപിനാഥന് നായര്, അഡ്വ. കെ.എന്. സോമകുമാര്, പി. മുരളീധരക്കൈമള്, അഡ്വ. ഭാവന നന്ദകുമാര്, ലളിത വേണുനായര്, ലതാഭായ് ശ്രീധരന്നായര്, ഷീജ വേണുഗോപാലന് നായര്, മനോജ് നായര് ശങ്കരന്കാവ് എന്നിവര് പ്രസംഗിച്ചു. കലാപരിപാടികളും നടന്നു.
0 comments:
Post a Comment