ഹരിപ്പാട് : കാര്ത്തികപ്പള്ളി എന്.എസ്.എസ്. യൂണിയന് താലൂക്കിലെ ആധ്യാത്മിക കേന്ദ്രം വിദ്യാര്ത്ഥികള്ക്കായി രാമായണമേളയും പ്രശ്നോത്തരിയും നടത്തും. ഞായറാഴ്ച രാവിലെ ഒമ്പതിന് താലൂക്ക് ആസ്ഥാനത്ത് എന്.എസ്.എസ്. ട്രഷററും യൂണിയന് പ്രസിഡന്റുമായ ഡോ.എം ശശികുമാര് ഉദ്ഘാടനം നിര്വ്വഹിക്കും. ആധ്യാത്മിക പഠനകേന്ദ്രം കോ-ഓര്ഡിനേറ്റര് കെ.എം. പങ്കജാക്ഷന് മുഖ്യപ്രഭാഷണം നടത്തും.
രാവിലെ 10ന് മത്സരങ്ങള് തുടങ്ങും. ഉച്ചയ്ക്ക് 12ന് രാമായണ പ്രശ്നോത്തരിയോടെ സമാപിക്കും.
എല്.പി., യു.പി., ഹൈസ്കൂള്, ഹയര്സെക്കന്ഡറി തലങ്ങളിലാണ് മത്സരങ്ങള്. പങ്കെടുക്കാനാഗ്രഹിക്കുന്ന വിദ്യാര്ത്ഥികള് കരയോഗം മുഖേന യൂണിയനില് പേര് രജിസ്റ്റര് ചെയ്യണമെന്ന് യൂണിയന് സെക്രട്ടറി അറിയിച്ചു.
0 comments:
Post a Comment